طارق سويد: “خبينا وجعنا وتصورنا”

نشر المخرج والممثل طارق سويد في حسابه عبر موقع انستغرام صورة جمعته بالممثلين ماغي بو غصن ووسام صباغ.

وأرفق سويد الصورة بالنص التالي: “بدي خبر عن هالصورة، مع اني ما كنت ناوي قول شو في وراها.. بس يمكن اللي بدي قولو يوعي شخص لو واحد و يصير ينتبه بالحياة كيف يتعاطى مع خيو الانسان.. لحظة اللي اخدنا هالصورة، خبيت ايديي لأن الدم ما عم يوصل لأصابيعي بسبب ال رينو ديزيز يلي بوقف الدم عن اصابيعي و يلي اكتشفتو من كم شهر…اخدت ماغي عالمستشفى لتعمل فحوصاتا قبل العملية و خبت ايدا لما تظهر بلاستر سحب الدم عإيدا و خبت خوفا و وجعا ببسمة كبيرة. .. مرقنا عوسام عالمسشفى اللي كان قاعد حد والدتو بالعناية عم يقضي معا اخر ساعاتا عهل ارض.. غمرنا بعضنا و قعدنا ساكتين.. قبل ما وسام يقول خلينا ما نفكر للحظة، النا فترة ما اخدنا صورة سوى تلاتتنا.. ابتسمنا من قلبنا و خبينا وجعنا و تصورنا.. اللي بدي قولو انو ما بتعرف و لا انسان بشو عم يمرق بحياتو، ما بتعرف و لا انسان شو مخبي ورا بسمتو.. عامل غيرك بحب.. ما تقول الا الكلمة الحلوة.. و ما عندك شي حلو تقولو، ما تقول شي…. حب و بس حب…وانتو التنين بحبكن من قلبي…”

اترك تعليق